Angliya terma jamoasi sardori Xarri Keyn Tomas Tuxelning "uch sherlar"ga bosh murabbiy etib tayinlanganidan hayratda qolganini tan oldi.
O‘tgan mavsumda Tuxel "Bavariya"da Keynga ustozlik qilgan, endi esa Tomas va Xarri Angliya terma jamoasida ishlaydi.
"To‘g‘risini aytsam, hayron bo‘ldim. Buni kutmagandim. Men uni terma jamoa murabbiyi sifatida ko‘rmaganim uchundir. Lekin bu e’lon qilinganida hayajonlandim.
O‘tgan yili u bilan ishlash juda yoqimli edi. U biznikidek jamoaga nima olib kelishini bilaman.
Mashg‘ulot yig‘inida u o‘rganadi va biz u bilan yaqinroq tanishamiz va takomillashamiz. Lekin kun oxirida hammasi kelasi yil uchun jamoa tuzishga bog‘liq", - dedi Keyn Sky Sports bilan suhbatda.
