Нидерландия терма жамоаси бош мураббийи Рональд Куман Испания терма жамоаси ва "Борнмут" марказий ҳимоячиси Дин Хейсен ҳақида фикр билдирди.
19 ёшли футболчи Амстердамда туғилган ва Нидерландия терма жамоасида ўйнаши мумкин эди, аммо у Испания терма жамоаси шарафини ҳимоя қилишни афзал кўрди. Истиқболли марказий ҳимоячининг "қизил фурия" сафидаги дебюти пайшанба куни Роттердамда бўлиб ўтган "тўқ сариқлар"га қарши ўйинда (2:2) рўй берди.
"Хейсен жуда ёш, аммо кучли терма жамоага чақирилишга лойиқ. У АПЛда ўзини кўрсата олди, келажаги порлоқ. У Испанияни танлади ва бу унинг ҳуқуқи. Бизда ҳам ажойиб марказий ҳимоячилар бор," - деди Куман матбуот анжуманида.
