Эронлик футбол мутахассиси Жалол Чирағпур Ўзбекистонга қарши учрашув олдидан Эрон терма жамоасининг келажагидан хавотир борлигини маълум қилди.

Эроннинг тактик муаммолари  

- БАА якдил ва режали жамоа эмас эди. Улар майдонда бир-бири билан ҳамжиҳатликда ўйнамади, ҳатто ғалабага интилишлари ҳам кўринмади.

- Жаҳон чемпионатига йўлланма оладиган жамоалар тузилган ва режали ҳужумлар билан ҳаракат қилишади, Эрон эса асосан импровизация асосида ташкил этиладиган ҳужумлардан фойдаланяпти. Бундай услуб юқори даражада самарасиз бўлади.

- Тактикалар кўпроқ назарий муҳокама қилиняпти, амалда эса уларни майдонда кўриш қийин. Бу режалаштириш ва амалий ижро ўртасидаги узилишдан далолат беради.  

Баъзи асосий ўйинчиларнинг пасайиши  

- Саман Қуддус рақибга ноаниқ узатмалар берди. Бу тажрибали ўйинчи учун ноодатий ҳолат бўлиб, унинг ўйини чуқур таҳлил қилиниши керак.

- Сардор Азмун кучини йўқотган кўринади. У беш қадамлик масофада дарвозага аниқ зарба бера олмади. Бу унинг жисмоний ҳолати пасайганидан далолат. Хўш, нега? Шунақа ҳолатни яқинда Криштиану Роналду ҳам "Ан-Наср"да бошидан кечирган. Бу жисмоний тушкунликнинг белгисидир.

- Халилзода ўз вазифасини бажара олмаяпти ва кўп хатоларга йўл қўяпти. Унинг ҳар бир ҳаракати жамоа учун хатарли бўлиб қолмоқда.  

- Алиризо Жаҳонбахш ҳам ўз формасидан узоқлашмоқда. Унинг жисмоний пасайиши жамоага катта таъсир кўрсатади.