Eronlik futbol mutaxassisi Jalol Chirag‘pur O‘zbekistonga qarshi uchrashuv oldidan Eron terma jamoasining kelajagidan xavotir borligini ma’lum qildi.

Eronning taktik muammolari  

- BAA yakdil va rejali jamoa emas edi. Ular maydonda bir-biri bilan hamjihatlikda o‘ynamadi, hatto g‘alabaga intilishlari ham ko‘rinmadi.

- Jahon chempionatiga yo‘llanma oladigan jamoalar tuzilgan va rejali hujumlar bilan harakat qilishadi, Eron esa asosan improvizasiya asosida tashkil etiladigan hujumlardan foydalanyapti. Bunday uslub yuqori darajada samarasiz bo‘ladi.

- Taktikalar ko‘proq nazariy muhokama qilinyapti, amalda esa ularni maydonda ko‘rish qiyin. Bu rejalashtirish va amaliy ijro o‘rtasidagi uzilishdan dalolat beradi.  

Ba’zi asosiy o‘yinchilarning pasayishi  

- Saman Quddus raqibga noaniq uzatmalar berdi. Bu tajribali o‘yinchi uchun noodatiy holat bo‘lib, uning o‘yini chuqur tahlil qilinishi kerak.

- Sardor Azmun kuchini yo‘qotgan ko‘rinadi. U besh qadamlik masofada darvozaga aniq zarba bera olmadi. Bu uning jismoniy holati pasayganidan dalolat. Xo‘sh, nega? Shunaqa holatni yaqinda Krishtianu Ronaldu ham "An-Nasr"da boshidan kechirgan. Bu jismoniy tushkunlikning belgisidir.

- Xalilzoda o‘z vazifasini bajara olmayapti va ko‘p xatolarga yo‘l qo‘yapti. Uning har bir harakati jamoa uchun xatarli bo‘lib qolmoqda.  

- Alirizo Jahonbaxsh ham o‘z formasidan uzoqlashmoqda. Uning jismoniy pasayishi jamoaga katta ta’sir ko‘rsatadi.