Англиялик ҳимоячи Фикайо Томори А Серияни тарк этиб, ўз ватанига қайтиши мумкин. Унга Лондоннинг "Тоттенхэм" клуби фаол қизиқиш билдирмоқда, жамоа раҳбарияти ҳимоячини руминиялик Раду Дрэгушинга захира варианти сифатида кўриб чиқмоқда.

Ҳозирча тўғридан-тўғри музокаралар олиб борилмаяпти, деб аниқлик киритди Calciomercato.it, бироқ томонларнинг фикрини ўрганиш мақсадида бу мавзуда юзаки алоқалар бўлиши мумкин.

Томори "Милан" сафида 2021 йилдан буён тўп тепиб келмоқда, бунгача у "Челси"дан ташқари Англиянинг бошқа клубларида ҳам ўйнашга улгурганди.