Жэйдон Санчо "Челси"да қолади.
Sky Sports хабарига кўра, Лондон клуби вингерни 25 млн фунтга сотиб олиш имкониятидан фойдаланишни режалаштирмоқда. Ҳозирда Санчо "кўклар" сафида "Манчестер Юнайтед"дан ижара асосида тўп тепмоқда.
Аввалроқ, "Челси" 5 млн фунт жарима тўлаб, футболчининг тўлақонли трансферидан воз кечиши мумкинлиги хабар қилинганди.
Ёзда "Челси" яна бир вингер қидириш учун трансфер бозорига чиқиши кутилмоқда - аммо бу допинг таҳлили ижобий чиққани учун футболдан вақтинча четлатилган Михаил Мудрик атрофидаги вазият билан боғлиқ.
