Миланнинг "Интер" клуби бош мураббийи Симоне Индзаги "Ювентус"даги мураббий алмашинуви ҳақида фикр билдирди.
"Кекса синьора" раҳбарияти Тьяго Моттани истеъфога чиқаришга қарор қилди, унинг ўрнига вақтинча Игор Тудор тайинланди.
"Мотта мен ҳурмат қиладиган ҳамкасбларимдан бири. Биз кўпинча бир-биримизга қарама-қарши турардик. Афсуски, у билан шундай воқеа содир бўлди. Мен Тьягони мураббий сифатида ҳам, инсон сифатида ҳам ҳурмат қиламан. Ўйлайманки, унинг қайтиши узоқ куттирмайди, чунки у ўз ишида жуда яхши," - дея Индзагининг сўзларини келтиради Football Italia.
