"Манчестер Сити" ярим ҳимоячиси Жек Грилиш ёзги трансферлар ойнасида жамоасини ўзгартириши мумкин. Бу ҳақда Mirror журналистлари хабар бермоқда.
Манбага кўра, англиялик вингерда А Серияда ишлаш варианти бор. Грилишнинг хизматларига "Милан" қизиқиш билдирмоқда. "Россонерилар" раҳбарияти вингер учун 40 миллион евро таклиф қилишга тайёр. Шунингдек, италияликлар ижара вариантини ҳам кўриб чиқишлари мумкин.
"Манчестер Сити," ўз навбатида, Жек билан хайрлашишга тайёр, чунки у мураббийлар штабининг режаларига кирмайди.
Ушбу мавсумда ярим ҳимоячи 26 та ўйин ўтказиб, иккита гол урди ва бешта голли узатмани амалга оширди.
