Аргентина терма жамоаси бош мураббийи Лионель Скалони Бразилияга қарши ўйин ва Лионель Мессининг майдонга тушмаслиги ҳақида гапирди.
"Интер Майами"нинг 37 ёшли футболчиси жароҳати сабаб йиғинни ўтказиб юбормоқда. Аргентиналиклар чоршанба куни ўз уйида Бразилияни қабул қилади, учрашув Тошкент вақти билан 05:00 да бошланади.
"Биз ўз футболимизни ўйнашга ҳаракат қиламиз - иложи борича майдоннинг рақиб қисмида бўлганимиз маъқул. Ўйлайманки, Бразилия билан ўйин мазмунан Уругвай билан ўйинга ўхшаш бўлади.
Бу ажойиб ўйин. Бизнинг вазифамиз - ўзимизни Мессисиз кўрсатиш йўлини топиш. Биз шундай қилишимиз керакки, Леонинг йўқлиги иложи борича камроқ сезилсин," - деди Скалони матбуот анжуманида.
