Argentina terma jamoasi bosh murabbiyi Lionel Skaloni Braziliyaga qarshi o‘yin va Lionel Messining maydonga tushmasligi haqida gapirdi.
"Inter Mayami"ning 37 yoshli futbolchisi jarohati sabab yig‘inni o‘tkazib yubormoqda. Argentinaliklar chorshanba kuni o‘z uyida Braziliyani qabul qiladi, uchrashuv Toshkent vaqti bilan 05:00 da boshlanadi.
"Biz o‘z futbolimizni o‘ynashga harakat qilamiz - iloji boricha maydonning raqib qismida bo‘lganimiz ma’qul. O‘ylaymanki, Braziliya bilan o‘yin mazmunan Urugvay bilan o‘yinga o‘xshash bo‘ladi.
Bu ajoyib o‘yin. Bizning vazifamiz - o‘zimizni Messisiz ko‘rsatish yo‘lini topish. Biz shunday qilishimiz kerakki, Leoning yo‘qligi iloji boricha kamroq sezilsin," - dedi Skaloni matbuot anjumanida.
