"Манчестер Юнайтед" бош мураббийи Рубен Аморим ўзининг собиқ жамоаси "Спортинг"да вингер Франсишку Тринкауни сотиб олишга тайёр.
Аморим бу ёзда Жейдон Санчо ва Маркус Рэшфордни сотишни кутмоқда, шунинг учун янги ҳужумчи олиб келиш Рубеннинг ёзги трансфер ойнасидаги мақсадларидан биридир.
The Sun нашри хабарига кўра, "Манчестер Юнайтед"нинг ушбу ҳудуд учун номзодлар рўйхатини якшанба куни Данияга қарши ўйинда Португалия терма жамоаси сафида иккита гол урган 25 ёшли Тринкау бошқармоқда.
"Барселона"даги фаолияти давомида Тринканунинг шартномасида товон пули 400 миллион фунт стерлингдан кўпроқ бўлган, аммо вингер ҳеч қачон "Ноу Камп"да ўйнаб кета олмади ва ҳатто "Вулверхэмптон"да бир мавсумни ижарада ўтказди.
Тринкауга "Арсенал" ва "Ньюкасл" ҳам қизиқиш билдирмоқда, аммо "Манчестер Юнайтед"нинг энг катта таҳдиди "Барселона" бўлиб, у ўйинчини 20 миллион фунт стерлингга қайтариб олиш имкониятига эга.
Аморим уларнинг Лиссабонда бирга ишлаш тажрибаси иккала қанотда ўйнай оладиган Тринкауни "МЮ"га ўтишга кўндиради деган умидда.
