"Ноттингем Форест" ҳужумчиси Крис Вуд жамоасининг энг муҳим ўйинлари олдидан жароҳат олди.
Келаётган шанба куни "Форест" Англия кубоги ярим финалига чиқиш учун "Брайтон" билан, уч кундан сўнг эса Премьер-лигада "Манчестер Юнайтед" билан куч синашади.
Аммо эндиликда ушбу ўйинларда Вуднинг иштирок этиши сўроқ остида турибди, чунки 33 ёшли ҳужумчи Янги Зеландия терма жамоасининг Янги Каледонияга қарши ўйинда (3:0) захирага олинган эди.
The Independent нашрининг таъкидлашича, 18 та голи билан "Форест"ни Премьер-лиганинг жорий мавсумида учинчи ўринни сақлаб қолишга ёрдам берган Вуднинг ўнг сонида муаммолар пайдо бўлган. Крис Ноттингемга қайтганидан кейин текширувдан ўтказилади.
