Эрон миллий терма жамоасининг собиқ футболчиси Худодод Азизий Эрон ва Ливан ўртасидаги ўйинда бу сафар 5:0 ҳисоби қайд этилмаслигини, аммо эронликлар ғалаба қозонишига ишонишини айтиб ўтди. Азизийнинг фикрича, Ливандан 3 очко олиш қийинчилик туғдирмайди, аммо Жанубий Кореяга қарши кечадиган кейинги ўйин осон бўлмайди.

"Корея билан ўйинда дуранг натижа ҳам бизни қаноатлантириши мумкин, бу эса бизга устунлик беради. Биз Қатарга қарши ўйинни жуда яхши ўтказдик. 4 очко бизни ЖЧга олиб чиқишини инобатга олиб, Ливан билан ўйинда тўплар нисбатини яхшилаб олишимиз керак", дейди Азизий.

"Жанубий Корея ва Ўзбекистон ўртасидаги ўйин натижаси биз учун муҳим аҳамиятга эга. Корея Ўзбекистонни мағлуб этади, деган умиддаман. Агар шундай бўлса, бизнинг Корея билан ўйинда 1 очко қўлга киритишимизнинг эҳтимоли ошади. Корея Ливанга қарши ўйинда 97-дақиқада ҳисобни тенглаштирганини унутмаслик лозим. Бу жамоага қарши ўзаро ўйинлардаги натижаларимиз ёмон эмас", дейди Худодод.

"Ҳозир  терма жамоада ўйин тақдирини ҳал қила оладиган суперюлдузлар йўқ. Авваллари терма жамоада Али Даий, Али Каримий, Карим Багерий, Меҳди Меҳдавакия каби футболчилар ўйнаган. Ҳозир эса ундай эмас. Шунга қарамай, Карлос Кейруш тўғри тактика танласа, Кореядан очко ториб оламиз", дейди Худодод Азизий.