Саудия Арабистони чемпионати вакилларига Муҳаммад Салоҳ билан келишиб олиш қийин бўлади. “Ливерпуль” ҳужумчиси атиги уч ой ичида эркин агентга айланиши мумкин.
Саудия клублари мисрлик футболчига асосий даъвогарлар саналган, аммо энди трансфер эҳтимоли паст деб баҳоланмоқда. Журналист Алекс Крукнинг сўзларига кўра, Саудия Арабистони клублари 32 ёшли футболчи фаолиятини Европада давом эттиришга қарор қилганини тушунади, шу боис унинг яқин орада келишидан умидини йўқотмоқда.
Миш-мишларга кўра, Саудия Арабистони жамоалари Муҳаммад Салоҳга йилига салкам 200 миллион евро маош оладиган уч йиллик шартнома таклиф қилишга тайёр эди.
