Saudiya Arabistoni chempionati vakillariga Muhammad Saloh bilan kelishib olish qiyin bo‘ladi. “Liverpul” hujumchisi atigi uch oy ichida erkin agentga aylanishi mumkin.
Saudiya klublari misrlik futbolchiga asosiy da’vogarlar sanalgan, ammo endi transfer ehtimoli past deb baholanmoqda. Jurnalist Aleks Krukning so‘zlariga ko‘ra, Saudiya Arabistoni klublari 32 yoshli futbolchi faoliyatini Yevropada davom ettirishga qaror qilganini tushunadi, shu bois uning yaqin orada kelishidan umidini yo‘qotmoqda.
Mish-mishlarga ko‘ra, Saudiya Arabistoni jamoalari Muhammad Salohga yiliga salkam 200 million yevro maosh oladigan uch yillik shartnoma taklif qilishga tayyor edi.
