Паулу Бенто Бирлашган Араб Амирликлари терма жамоаси бош мураббийлигидан кетди. Бу ҳақда мамлакат футбол федерацияси хабар берди.
55 ёшли португалиялик мутахассиснинг истеъфоси сабаблари ҳозирча номаълум.
Амирликлар кеча ЖЧ-2026 саралашида Шимолий Кореяни сўнгги сонияларда киритилган гол эвазига мағлуб этиб (2:1), ЖЧга тўғридан-тўғри йўлланма олиш имкониятини сақлаб қолганди.
Ҳозирда улар учинчи саралаш босқичининг А гуруҳида 13 очко билан учинчи ўринда бормоқда. Ўзбекистон 17 очко билан иккинчи ўринда.
9-турда БАА вакилларимизни ўз майдонида қабул қилади.
