"ПСЖ" эгалари "Малага"ни сотиб олишлари мумкин.
L’Equipe нашри хабарига кўра, Qatar Sports Investments испан клубини сотиб олиш бўйича музокараларнинг илғор босқичида эканлигини хабар қилмоқда. Битим 100 миллион еврога баҳоланган ва барча томонлар унинг амалга ошишига ишонч билдирмоқда.
Ҳозирда BlueBay меҳмонхона оператори ва Қатар шайхи Абдулла Ал-Танига тегишли бўлган клуб айни пайтда молиявий аҳволи оғирлиги сабабли суд томонидан тайинланган менежер бошқарувида.
L’Equipe нашрининг ёзишича, Qatar Sports Investments Бельгия клубларидан бири вакиллари билан ҳам музокаралар олиб бормоқда.
"Qatar Sports Investments Европа ва Америкада бир қатор инвестиция имкониятларини ўрганмоқда" - деди ташкилот изоҳ сўровига жавобан.
