Альфонсо Дэвиснинг агенти терма жамоа мураббийларини мижозининг хоч боғлами жароҳатида айблади.

"Мен жуда хафа бўлдим. Альфонсо Мексика билан ўйиндан кейин 100 фоиз тайёр эмас эди ва у АҚШ билан ўйин учун бошланғич таркибга киритилмаслиги режалаштирилган эди. Шанба оқшомида у асосий таркибга киритилмаслиги кутилганди.

Сардор сифатида у мураббийнинг босимини ҳис қилди. Альфонсо эса бундай пайтда рад жавобини берадиган одам эмас. У ўйнади ва шу билан ҳаммаси тугади.

Терма жамоада футболчилар билан яхшироқ ишлаш керак, менимча. Альфонсо жароҳат олган ва бундан жуда хафа. Яхшиямки, "Бавария"да у жаҳон даражасидаги жамоанинг қўлларида, унга ажойиб ғамхўрлик кўрсатилади," - деди Недаль Хуосе.