Alfonso Devisning agenti terma jamoa murabbiylarini mijozining xoch bog‘lami jarohatida aybladi.

"Men juda xafa bo‘ldim. Alfonso Meksika bilan o‘yindan keyin 100 foiz tayyor emas edi va u AQSH bilan o‘yin uchun boshlang‘ich tarkibga kiritilmasligi rejalashtirilgan edi. Shanba oqshomida u asosiy tarkibga kiritilmasligi kutilgandi.

Sardor sifatida u murabbiyning bosimini his qildi. Alfonso esa bunday paytda rad javobini beradigan odam emas. U o‘ynadi va shu bilan hammasi tugadi.

Terma jamoada futbolchilar bilan yaxshiroq ishlash kerak, menimcha. Alfonso jarohat olgan va bundan juda xafa. Yaxshiyamki, "Bavariya"da u jahon darajasidagi jamoaning qo‘llarida, unga ajoyib g‘amxo‘rlik ko‘rsatiladi," - dedi Nedal Xuose.