Аввалроқ, "блауграна" бош мураббийи Ханс-Дитер Флик 26 ёшли ҳимоячи терма жамоа ўйинларидан сўнг дам олиши кераклиги сабабли бугунги ўйинда иштирок этмаслигини айтганди.
Бироқ уругвайликнинг ўзи узоқ парвоздан сўнг уйда тунаб қолди ва мураббийдан уни жамоа қайдномасига киритишни сўради. У етарлича дам олганига ишонади ва жамоага ёрдам беришга тайёр.
Германиялик мутахассис футболчининг илтимосини қабул қилди. Флик Араухонинг Боливияга қарши ўйинда қатнашмаганини ҳисобга олди.
Рональд "Осасуна"га қарши ўйинни захира ўриндиғида бошлаши кутилмоқда. Керак бўлса иккинчи бўлимда майдонга тушиши мумкин.
