Кеча Теҳронга етиб келган Ливан миллий терма жамоаси ўзининг 7 нафар асосий таркиб футболчилари хизматидан Эронга қарши ўйинда фойдалана олмайди. Бундай катта йўқотишга терма жамоа дисквалификация ёки жароҳатлар туфайли дуч келган. Шундоқ ҳам ливанликларнинг бир неча нафар футболчилари ўйинни сотганлиги учун терма жамоадан четлаштирилган.

Лекин Ливан футбол федерацияси Эронга қарши ўйин учун келиб чиқиши ливанлик бўлган АҚШнинг "Спортинг Канзас-Сити" жамоасида тўп сурадиган 20 ёшли Суни Саъдни рўйхатдан ўтказди. Ушбу ёш футболчи Ливан сафида Уммонга қарши ўртоқлик ўйинида дебют қилишга улгурди. У дебют баҳсидаёқ гол уришга муваффақ бўлди.

Теҳронга ташриф буюрган Ливан терма жамоаси таркиби:
Дарвозабонлар: Аббос Ҳассан ("Эльфсборг", Швеция), Лари Меҳанна ("Ал-Ансор"), Меҳди Халил ("Ас-Софаъ")
Ҳимоячилар: Мутаз Жунайдий ("Ал-Ансор"), Нур Мансур ("Ас-Софаъ"), Муҳаммад  Зайн Таҳҳан ("Ас-Софаъ"), Ҳусайн Авада ("Ал-Аҳад") Муҳаммад Ҳамуд ("Ал-Ансор"), Ҳасан Зоҳир ("Шабоб ас-Саҳел")
Ярим ҳимоячилар: Аббас Аҳмад Атвий ("Ал-Аҳад"), Нодир Матар ("Канильяс", Испания), Муҳаммад Атвий ("Ал-Ансор"), Муҳамад Чамасс ("Ан-Нажма"), Ҳамза Салама ("Ас-Софаъ")
Ҳужумчилар: Ҳасан Маътук ("Аш-Шабоб", БАА), Ҳасан Чайто ("Ал-Аҳад"), Файиз Чамсайн ("Ал-Ижтимоий"), Маҳмуд Кожок ("Ал-Ансор")