"Палмейрас" клуби ва Бразилия терма жамоаси вингери Эстевао Виллиан клублар ўртасидаги жаҳон чемпионати-2025 якунлангач, "Челси" таркибига қўшилади, дея хабар бермоқда инсайдер Фабрицио Романо.
Энди режага кўра, апрель ойида 18 ёшга тўладиган 17 ёшли бразилиялик футболчи Бразилия клуби сафида клублар ўртасидаги ЖЧ-2025да иштирок этади.
У турнир якунланиши биланоқ "Челси" сафига қўшилиб, янги мавсумни инглизлар сафида бошлайди.
Эслатиб ўтамиз, ўтган йилнинг ёзида лондонликлар футболчини 40 + 25 (бонуслар) миллион еврога харид қилган эди.
2025 йилда Эстевао "Палмейрас" сафида Паулиста лигасида 13 та ўйин ўтказди ва 5 та гол урди.
