"Palmeyras" klubi va Braziliya terma jamoasi vingeri Estevao Villian klublar o‘rtasidagi jahon chempionati-2025 yakunlangach, "Chelsi" tarkibiga qo‘shiladi, deya xabar bermoqda insayder Fabrisio Romano.
Endi rejaga ko‘ra, aprel oyida 18 yoshga to‘ladigan 17 yoshli braziliyalik futbolchi Braziliya klubi safida klublar o‘rtasidagi JCH-2025da ishtirok etadi.
U turnir yakunlanishi bilanoq "Chelsi" safiga qo‘shilib, yangi mavsumni inglizlar safida boshlaydi.
Eslatib o‘tamiz, o‘tgan yilning yozida londonliklar futbolchini 40 + 25 (bonuslar) million yevroga xarid qilgan edi.
2025 yilda Estevao "Palmeyras" safida Paulista ligasida 13 ta o‘yin o‘tkazdi va 5 ta gol urdi.
