Анхель Корреанинг "Атлетико"дан Мексиканинг "Тигрес" клубига ўтиши бўйича музокаралар сезиларли даражада олдинга силжиди.
Маълум қилинишича, "Тигрес" шартномаси 2026 йилгача мўлжалланган 30 ёшли Корреанинг трансфери учун 15-20 миллион доллар таклиф қилишга тайёр. "Атлетико" учун бу сумма мақбул бўлиши мумкин.
Футболчининг ўзини ишонтириш учун "Тигрес" ҳужумчига йилига 5,5 миллион евро маош билан уч мавсумга шартнома таклиф қилади.
Ушбу мавсумда аргентиналик футболчи “Атлетико” сафида барча турнирларда 39 та ўйинда майдонга тушиб, 7 та гол ва 5 та голли узатмага муаллифлик қилган.
