"Барселона" устози Ханс-Дитер Флик ҳужум чизиғида Роберт Левандовски ва Ферран Торрес ўртасидаги рақобат ҳақида гапирди.

Мураббийнинг сўзларига кўра, Левандовски Ла Лиганинг энг яхши тўпурарига бериладиган соврин ҳақида ўйламаяпти.

"Мен Ферран ва Леви билан гаплашдим. "Осасуна"га қарши ўйин олдидан биз бўлажак ўйинлар ҳақидаги фикрлар билан бир қарорга келдик (Левандовски ўшанда иккинчи бўлимда захирадан майдонга тушган - таҳр). Левандовски фақат жамоавий муваффақиятни истайди, у Пичичининг соврини ҳақида ўйламайди. У жамоага нима кераклигига қарайди. Бу жуда яхши," - деди Флик матбуот анжуманида.