"Barselona" ustozi Xans-Diter Flik hujum chizig‘ida Robert Levandovski va Ferran Torres o‘rtasidagi raqobat haqida gapirdi.

Murabbiyning so‘zlariga ko‘ra, Levandovski La Liganing eng yaxshi to‘purariga beriladigan sovrin haqida o‘ylamayapti.

"Men Ferran va Levi bilan gaplashdim. "Osasuna"ga qarshi o‘yin oldidan biz bo‘lajak o‘yinlar haqidagi fikrlar bilan bir qarorga keldik (Levandovski o‘shanda ikkinchi bo‘limda zaxiradan maydonga tushgan - tahr). Levandovski faqat jamoaviy muvaffaqiyatni istaydi, u Pichichining sovrini haqida o‘ylamaydi. U jamoaga nima kerakligiga qaraydi. Bu juda yaxshi," - dedi Flik matbuot anjumanida.