"Айнтрахт" Юго Экитике трансфери учун тахминан 80 млн евро талаб қилади.
Sky Sport журналисти Флориан Плеттенбергнинг ёзишича, немис клуби "Манчестер Юнайтед" 22 ёшли форвардни ёзги трансферлар ойнаси учун потенциал нишон сифатида жиддий кўриб чиқаётганидан хабардор.
Ҳужумчига "Арсенал," "Ювентус" ва "Ливерпуль" клублари ҳам қизиқиш билдирмоқда. Қайд этилишича, лондонликларнинг асосий мақсади "Ньюкасл" вакили Александр Исак бўлиб турибди.
"Айнтрахт" француз ёзда жамоани тарк этишини кутмоқда. Бунинг учун 80 миллион евро атрофида маблағ талаб қилинади.
Экитике жорий мавсум Бундеслигада 26 та ўйинда майдонга тушиб, 13 та гол ва 4 та голли узатмага муаллифлик қилди.
