Мадриднинг “Реал” клуби ярим ҳимоячиси Лука Модрич жамоаси таркибидаги хорижлик ўйинчиларнинг Ла Лигадаги иштироки бўйича иккинчи ўринга кўтарилиб олди.
39 ёшли хорватиялик футболчи шанба кунги “Леганес”га қарши ўйинда 81 дақиқа ҳаракат қилди ва “Лос-Бланкос”нинг 3:2 ҳисобидаги ғалабасига катта ҳисса қўшганлардан бири бўлди.
Madrid Xtra нашрининг хабар беришича, Модрич Испания чемпионатида "Реал Мадрид" сафида 387 та ўйин ўтказиб, бразилиялик собиқ ҳимоячи Марселони (386) ортда қолдирди. Барча легионерлар орасида фақат франциялик Карим Бензема “қироллик” клуби сафида кўпроқ ўйин ўтказган – 439.
Лука Модрич 2012 йилдан буён “Реал” шарафини ҳимоя қилиб келмоқда. Фахрийнинг амалдаги шартномаси жорий мавсум якунланганидан кейин тугайди.
