"Леганес" бош мураббийи Борха Хименес "Реал" ҳужумчиси Килиан Мбаппенинг ўйини ҳақидаги саволга жавоб берди.
Франциялик футболчи Ла Лиганинг шанба кунги ўйинида "Леганес"га қарши баҳсда дубль қайд этиб, "қаймоқранглилар"га ғалаба келтирди (3:2). Ҳужумчи 76-дақиқада жарима тўпидан аниқ зарба билан ғалаба голини урди.
"Мбаппе дунёнинг энг яхши футболчиларидан бири. У доимо чизиқлар орасида пайдо бўлади, ундан ҳимояланиш жуда қийин. Унинг ҳаракатчанлиги уни янада хавфлироқ қилади," дея Борха Хименеснинг сўзларини Madrid Xtra келтиради.