Ўзбекистонлик UFC жангчиси Нурсултон Рўзибоевнинг навбатдаги жанг санаси ва рақиби маълум. Бу ҳақида спортчининг ўзи Instagram саҳифаси орқали маълум қилди.
Манбага кўра, 17 май куни Америка Қўшма Штатларининг Лас Вегас шаҳридаги “UFC Apex” мажмуасида навбатдаги UFC Fight Night турнири ташкил этилади. Оқшом доирасида ўзбекистонлик MMA жангчиси Нурсултон Рўзибоев ҳам октагонга чиқади. Спортчининг навбатдаги рақиби — америкалик Дастин Столсфус.
Нурсултон Instagram саҳифасида жангни тасдиқлаб, мазкур суратни жойлади ва уни қуйидагича изоҳлади: “Лас-Вегас. 17 май. Тез орада кўришгунча!”
Маълумот учун, Нурсултон Рўзибоев шу вақтга қадар UFC’да 4 та жангдан 3 тасида ғалаба қозониб, 1 та жангда эса имкониятни бой берган эди. 17 май куни Рўзибоев учун UFC’даги 5-жангини ўтказади.
