"Ливерпуль", "Манчестер Сити" ва "Арсенал" клублари "Ювентус"дан ижара асосида "Лацио"да ўйнаётган 23 ёшли Николо Ровеллага қизиқиш билдирмоқда. Шу йилнинг январ ойида "бургутлар" бошқа клубларнинг футболчи борасидаги ҳар қандай сўровларини рад этишди, чунки ёзда уни 17 миллион еврога сотиб олиш вариантини фаоллаштиришмоқчи.
Рим жамоаси раҳбарияти Ровеллага асосий фигура сифатида қарайди, бироқ Англиянинг энг бой клубларидан келадиган муҳим таклифлар унинг эҳтимолий сотилишига олиб келиши мумкин. "Лацио" хўжайинлари италиялик ярим ҳимоячи учун камида 40 миллион евро талаб қилишлари кутилмоқда.
Николо Ровелла жорий мавсум “Лацио” сафида 34 та ўйинда майдонга тушиб, 3 та голли узатмани амалга оширди.
