2011 йилда француз клубини сотиб олган ва яқинда Португалиянинг “Брага” клубининг 21,67 фоиз улушига эга бўлган “ПСЖ” эгалари Qatar Sports Investment Испаниянинг Ла Лига 2 вакили “Малага” клубини сотиб олиш бўйича музокаралар олиб боряпти.
Бироқ, The Athletic хабарига кўра, уларнинг жиддий рақиби бор. "Ливерпуль" хўжайинлари Fenway Sports Group ҳам испан клубини сотиб олиш имкониятини кўриб чиқмоқда. Уларнинг устувор йўналиши "Малага" акциядори Шайх Абдулла Ал-Танийнинг 51% улушини сотиб олишдир.
“Малага” 42 очко билан Ла Лига 2 турнир жадвалида 15-ўринда бормоқда.













