"Вулверхэмптон" бош мураббийи Витор Перейра ҳужумчи Матеус Куньянинг клубга содиқлиги борасидаги хавотирларни йўқотди.

Дам олиш кунларида чоп этилган The Guardian нашрига берган интервьюсида Кунья "бўрилар"ни тарк этишга тайёрлигини тасдиқлаб, "кейинги қадам"ни қўйишни хоҳлаётганини айтди.

Бироқ, Перейра буни муаммо деб ҳисобламайди ва "бўрилар" янги шартномасида 62,5 миллион фунт стерлинг тўловни ўз ичига олган 25 ёшли бразилияликга мавсумнинг қолган қисмида ишониши мумкинлигига шубҳа қилмайди.

"У клубга содиқ. Бу ҳозирда. Келажакга келсак, билмайман. У ўз салоҳиятини билади. У топ-футболчи. Унинг совринлар учун курашиш амбициялари борлиги нормал ҳолат. Бу табиий. Бу бошқа ўйинчиларда ҳам содир бўлади. Лекин энг муҳими диққатни жамлаш ва жамоага ўз мақсадларига эришишига ёрдам бериш. Мавсум охирида кўрамиз", - деди Перейра BBC.