"Манчестер Юнайтед" бош мураббийи Рубен Аморим Энтони Эланганинг "Ноттингем Форест"даги муваффақияти ҳақида ўз фикрларини билдириб ўтди.
Швециялик вингер Премьер-лига турнир жадвалида сенсацион тарзда учинчи ўринни эгаллаб турган "ўрмончилар"нинг асосий ўйинчиларидан бири ҳисобланади.
"Турли клублар, ҳар хил кутишлар. Шу сабабли, баъзи ҳолларда футболчиларни солиштиришнинг маъноси йўқ. Кўриб турганингиздек, ҳозир Эланга бошқача ўйнайди.
Мураббийлар ўйинчиларни бошқача кўришлари ва уларни янги йўллар билан очиб беришлари мумкин, аммо биз яна турли клублар ҳақида гапирамиз. Баъзи одамлар "Манчестер Юнайтед"даги каби юқори босимга мослаша оладилар, бошқаларга эса қийин бўлади", деди Аморим сешанба куни "Ноттингем Форест"га қарши ўйин олдидан.
