"Бавария" ҳужумчиси Томас Мюллер бутун фаолиятини ўтказган жамоани тарк этишга яқинлашмоқда. Хабарингиз бор, 35 ёшли футболчининг муддати тугайдиган шартномаси катта эҳтимол билан узайтирилмайди.
Журналист Флориан Платтенбергнинг сўзларига кўра, томонларнинг якуний учрашуви шу ҳафта бўлиб ўтади. Агар кутилмаган ҳеч нарса содир бўлмаса, ҳамкорлик ёзда, клублар ўртасидаги жаҳон чемпионати якунланганидан кейин якунланади.
Яқин келажакда бўлажак ажралишни ким ва қачон эълон қилиши ҳам ҳал қилинади. Қайд этилишича, Томас Мюллернинг ўзи “Бавария”да яна бир мавсум ўтказишга тайёр эди, бироқ клуб унинг маошини тежашни афзал кўрмоқда.
