Виссам Бен-Йеддер фаолиятини Эронда давом эттиради.
34 ёшли ҳужумчи билан "Сепахон" шартнома имзоланганини эълон қилди.
"Монако" ва Франция терма жамоасининг собиқ ҳужумчиси 2024 йилнинг май ойидан бери майдонга тушмаяпти. Ноябрь ойида у жинсий зўравонликда айбланиб, шартли равишда икки йиллик қамоқ жазосини олди, шунингдек, ҳужумчининг собиқ рафиқасига нисбатан руҳий зўравонлик бўйича суд жараёни давом этмоқда.
2023/24-йилги мавсумда Бен-Йеддер Лига 1да 32 та ўйин ўтказиб, 16 та гол урди ва жамоасининг энг яхши тўпурарига айланди.
