Таниқли футбол агенти Герман Ткаченко ЦСКА етакчиси Аббосбек Файзуллаев фаолиятини Португалияда давом эттириши мумкинлигини маълум қилди. Футболчи "Бенфика" билан музокаралар олиб борди. Бироқ, лиссабонликлар сиёсий сабабларга кўра бу трансфердан воз кечган. Улар Россия билан иш олиб бормаган маъқул, деган позицияда.
"Биз Файзуллаевни "Бенфика"га ўтишини муҳокама қилдик. Лекин биринчи босқичдаёқ клуб россияликлар билан ўзаро муносабатлар борасида рад жавобини берди. "Биз Россия билан иш қилмаймиз" деган тезис пайдо бўлди, - деди Ткаченко.
Аввалроқ, Файзуллаевга Европанинг Франция, Германия ва Италиядаги бир қатор клублари қизиқиш билдираётгани ҳақида хабарлар тарқалган эди.
