Эндрик "Реал Мадрид" Испания кубоги финалига чиққанидан кейин бу мавсумда тўртинчи финалда ўйнаш у учун нимани англатиши ҳақидаги фикрлари билан ўртоқлашди.
Ярим финалнинг жавоб учрашувида мадридликлар "Реал Сосьедад" билан дуранг ўйнади (қўшимча вақт 4:4, биринчи ўйин – 1:0). Эндрик 30-дақиқада гол урди.
"Албатта, менга ёқади. Мен "Реал"га ёрдам бериш учун келдим, хоҳ у гол уриш, хоҳ ҳимояланиш. Ва, албатта унвонларни қўлга киритиш учун. Биз яхши ҳаракат қиляпмиз, биз финалдамиз ва Чемпионлар лигасида ўйнашда давом этамиз" - деди Эндрик.
