"Реал Мадрид" ўз тарихидаги 10 000-голини урди. Бу Испания кубогининг иккинчи ярим финалида "Реал Сосьедад"га қарши ўйинда юз берди.
"Лос-Бланкос" ярим ҳимоячиси Аурелиен Тчуамени қироллик клуби тарихидаги барча турнирлардаги юбилей гол муаллифига айланди. Унинг 86-дақиқада урган голи жамоага учрашувдаги ҳисобни тенглаштиришга ёрдам берди. Бу жамоалар ўртасидаги учрашув қўшимча бўлимлардан сўнг якунига етди.
Аввалги 9000-голни 2017 йилда Гарет Бэйл киритган эди. “Реал” Испания чемпионатида 6545 та, кубокда 1417 та, Европа чемпионлар лигасида 1103 та гол урган. Қолганлари эса бошқа турнирларда киритилган.
