"Real Madrid" o‘z tarixidagi 10 000-golini urdi. Bu Ispaniya kubogining ikkinchi yarim finalida "Real Sosyedad"ga qarshi o‘yinda yuz berdi.

"Los-Blankos" yarim himoyachisi Aureliyen Tchuameni qirollik klubi tarixidagi barcha turnirlardagi yubiley gol muallifiga aylandi. Uning 86-daqiqada urgan goli jamoaga uchrashuvdagi hisobni tenglashtirishga yordam berdi. Bu jamoalar o‘rtasidagi uchrashuv qo‘shimcha bo‘limlardan so‘ng yakuniga yetdi.

Avvalgi 9000-golni 2017 yilda Garet Beyl kiritgan edi. “Real” Ispaniya chempionatida 6545 ta, kubokda 1417 ta, Yevropa chempionlar ligasida 1103 ta gol urgan. Qolganlari esa boshqa turnirlarda kiritilgan.