Ўтган ёзда "Ювентус" жамоа бошқарувини Тиаго Моттага ишониб топшириш орқали ўз ёндашувини ўзгартиришга қарор қилди, аммо бу танлов ўз самарасини бермади ва у яқинда ишдан бўшатилди. Игор Тудор мураббийлик лавозимини эгаллади ва бу жамоадаги вазиятни ўзгартирди, хусусан, Рандал Коло Муани олдинги мураббийнинг асосий танловларидан бири эди.

Шу қишда франциялик футболчи Турин клубига "ПСЖ"дан ижарага олинганди. Унинг мослашиши тез ўтди. У жамоадаги дастлабки учта ўйинида бешта гол урди. Бироқ, 7 февраль куни "Комо"га қарши ўйиндаги дублидан сўнг у бир марта ҳам фойдали натижа қайд этмади ва ҳозир қийин даврни бошдан кечирмоқда.

Янги мураббий Мотта менсимаган Душан Влаҳовичга ишонмоқчи. Агар бу тенденцияга айланса, бу Рандалнинг жамоадаги истиқболига сезиларли таъсир қилади.

Маълум қилинишича, бир неча ой олдин амалга ошириш мумкин бўлган ижара муддатини узайтириш варианти энди даргумон. Дастлаб ижара муддатини 2026 йилнинг ёзига қадар кейинчалик харид қилиш билан узайтириш имконияти кўриб чиқилди, аммо ҳозирда клуб бундай келишувнинг амалга ошишига ишончи комил эмас.

Ушбу мавсумда франциялик футболчи “Ювентус” сафида барча турнирларда 11 та ўйинда майдонга тушиб, 5 та гол ва 2 та голли узатмага муаллифлик қилган.