"Кристал Пэлас" бош мураббийи Оливер Гласнер Германиянинг "Лейпциг" клубининг қизиқишларини рад этиб, янги шартнома имзолайди деб умид қилмоқда.
Ўтган дам олиш кунлари "Ред Булл"нинг футбол бўйича бош мутахассиси Юрген Клопп мавсум охиригача кутмасликка қарор қилиб, Марко Розени "Лейпциг" бош мураббийлигидан бўшатди.
Клопп Гласнернинг ашаддий мухлиси эканлиги маълум ва ТalkSPORT Бундеслига клуби австрияликни олиб келмоқчи эканлигини тасдиқлаши мумкин.
Гласнер Клоппнинг ташкилоти билан аллақачон таниш, аввалроқ "Ред Булл Зальцбург"да ёрдамчи бўлиб ишлаган.
Бироқ "Пэлас" Гласнер билан хайрлашиш ниятида эмас ва Оливерга ҳамкорликни узайтириш борасида аллақачон мурожаат қилган.
Бироқ, музокаралар ҳали бошланғич босқичда ва Гласнернинг амалдаги шартномаси кейинги мавсум охирида тугайди.
