Италия футболида Италия кубогининг иккинчи ярим финал ўйини ҳам бўлиб ўтди, "Милан" "Интер" билан ўйнади ва баҳс 1:1 ҳисобида якунланди. Учрашув ҳақида "Интер" устози Симоне Индзаги ўз фикрларини билдирди.
"Бу ҳақиқий дерби бўлди, биз биринчи бўлимдаёқ олдинга чиқиб олишимиз мумкин эди, бизда имкониятлар бор эди. Иккинчи таймда биз яхши ўйнадик ва кўпроқ нарса яратдик, аммо рақиб ҳам ўзини яхши томондан кўрсатди. "Милан"га қарши ўйнаш ҳар доим ҳам осон бўлмаган, Меньян ҳам формада эди. Умид қиламанки, жавоб ўйинида бизда кўпроқ ечимлар бўлади," - дея италиялик мутахассиснинг сўзларини келтиради pianetamilan.it.
