Италия футболида Италия кубогининг иккинчи ярим финал ўйини ҳам бўлиб ўтди, "Милан" "Интер" билан ўйнади ва баҳс 1:1 ҳисобида якунланди. Бу икки жамоа ўртасидаги кетма-кет иккинчи 1:1 ҳисобидаги дуранг билан якунланган ўйин бўлди.
Шу тариқа, сўнгги 8 йил ичида илк бор "Милан" ва "Интер" ўртасидаги ҳар қандай турнирда кетма-кет икки ўйин дуранг билан якунланди. Охирги марта бундай ҳолат 2016/2017 йилги мавсумда кузатилган, ўшанда ҳар икки ўйин ҳам 2:2 ҳисобида якунланган ва бу Италия чемпионати доирасида бўлганди.
"Интер" Италиянинг амалдаги чемпиони ҳисобланади. "Милан" охирги марта 2022 йилда чемпион бўлганди.
