Томас Хельмер "Бавария"ни Томас Мюллер билан боғлиқ вазият учун танқид қилди.
35 ёшли ярим ҳимоячининг мюнхенликлар клуби билан шартномаси шу ёзда якунига етади. ОАВ хабарига кўра, клуб раҳбарияти футболчига шартномани узайтириш бўйича таклиф тушмаслигини олдиндан айтиб бўлган. Клуб, хусусан, футболчининг йилига 17 миллион еврогача бўлган маошини тежашни истамоқда.
"Буни "Бавария"дан кимдир айтган бўлса керак. Бироқ бу хабарнинг жамоатчиликка маълум бўлгани яхши эмас.
Сўнгги кунлардаги хабарларга қараганда, бу унчалик яхши кўринмаяпти. Мюллерга ўзи хоҳлаган шароит яратиб берилиши керак эди.
Мюллердек футболчи яна бир йил ўйнашни истаса, унга имкон бериш керак”, - деди “Бавария”нинг собиқ футболчиси.
