"Бавария" кузатув кенгаши аъзоси Карл-Хайнц Румменигге Европа футбол ассоциациясига умрбод аъзо бўлди. Бу ҳақда бугун, 3 апрель куни Белградда бўлиб ўтган УЕФА конгрессида маълум қилинди.
Bayern & Germany портали қайд этилганидек, бу УЕФА тақдим эта оладиган иккинчи нуфузли мукофотдир. Фақатгина муҳимроқ нарса - бу фахрий президентлик.
УЕФА президенти Александер Чеферин шундай деди: "Ҳамма қилган ишингизни футбол учун қилган эдингиз, футбол сизни севади".
Руммениггенинг ўзи ҳам нутқ сўзлади. "Фурсатдан фойдаланиб, футболга ўз миннатдорчилигимни билдирмоқчиман. Бу ажойиб ўйин, мен кўп нарсаларни ўргандим, кўп тажриба орттирдим ва кўплаб одамлар билан дўстлашдим. Футбол ҳар доим менинг ҳаётимда бўлган. Мен унга 50 йил хизмат қилдим ва ундан катта қарздорман" - деди Румменигге.
