"Тоттенхэм" бош мураббийи Анге Постекоглу "Челси"га қарши ўтказилган дербидаги (0:1) мағлубиятидан сўнг VAR тизимининг ишлашидан норозилигини билдирди.
Ўйиндаги ягона гол 50-дақиқада урилди - уни Энцо Фернандес киритди. 69-дақиқада Пап Матар Сарр ҳисобни тенглаштирганди, бироқ видеотакрор кўриб чиқилганидан сўнг гол бекор қилинди.
"Бу ўйинни барбод қиляпти. Футбол энди аввалгидек эмас. Ҳакам голни ҳисобга олди, аммо кейин уни бекор қилиш тўғрисида қарор чиқариш учун олти дақиқа вақт кетди. Бунга ақлдан озиш мумкин" - дея Постекоглунинг сўзларини келтиради Бен Жейкобс.
