"Реал Мадрид"нинг уругвайлик ярим ҳимоячиси Феде Вальверде сўнгги йилларда Карло Анчелотти тизимидаги асосий фигурага айланди.

Ҳозир унга ёзда майдон марказини сезиларли даражада кучайтиришга интилаётган "Манчестер Юнайтед" даъвогарлик қилмоқда. Инглиз клуби ярим ҳимоячининг трансфери учун 100 миллион евро таклиф қилмоқчи.

Манчестер уругвайлик футболчини узоқ муддатли сармоя ва жамоанинг Премер-лигадаги янги юзига айланиши мумкин бўлган салоҳиятли етакчи сифатида кўрмоқда. Бироқ "Реал Мадрид" 2029 йилгача шартномаси бор ва таркибда муҳим ўрин тутадиган футболчи билан осонликча хайрлашмоқчи эмас. "Манчестер Юнайтед"нинг таклифи жиддий бўлишига қарамай, "Реал Мадрид" раҳбариятини ишонтира оладими ёки йўқми, ҳозирча аниқ эмас.

Жорий мавсум уругвайлик футболчи “Реал” сафида барча турнирлар доирасида 46 та ўйинда майдонга тушиб, 8 та гол ва 7 та голли узатмага муаллифлик қилган.