Австралия терма жамоаси бош мураббийи Хольгер Озик Иорданияга қарши ўйинда ҳам Япония билан ўйинда иштирок этган асосий таркибни туширмоқчи. "Соккеруз" бош мураббийи ЖЧ-2014 саралаш босқичини мухлислар кўз ўнгида якунлаётганидан хурсанд эканлигини маълум қилди.

"Бизни муҳим воқеа кутиб турибди. Биз саралашдаги сўнгги 2 баҳсни ўз майдонимизда ўтказамиз. Мусобақа жадвалидан келиб чиқиб фикрлайдиган бўлсак, эртанги ўйинда ҳар иккала жамоа ўртага жуда катта нарсани тиккан. Эртага биз ғалаба қозонишимиз керак. Эртага мухлислар яхши ўйин гувоҳига айланишига ишончим комил", дейди Австралия бош мураббийи.

"Футболда ҳеч қачон ортга назар ташлашингиз керак эмас. Ортга қарасангиз, бўйнингиз оғрийди, бошқа нарсага эришмайсиз. Мен фақатга олдинга қарайман. Иорданиянинг ўйин услуби ўзгача. Гуруҳда барча рақибларга бизга нисбатан кучли ўйин кўрсатишга интилаётган яхши ҳолат, аммо бу менга қийинчилик туғдиради. Жамоанинг кайфияти яхши. Эртанги ўйин саралаш босқичидаги яна бир осон бўлмаган учрашув ҳисобланади. Якуний босқични яхши бошлай олмаганимизни инобатга олсак, бу бизнинг ҳолатимизни янада қийинлаштиради. Лекин ҳозир ҳам барчаси ўз қўлимизда. Бошқа жамоаларнинг натижасига қарам бўлмаслик — яхши ҳолат", дейди Хольгер Озик.