"Манчестер Сити" клубини бошқараётган испаниялик мутахассис Пеп Гвардиола ярим ҳимоячи Кевин де Брюйненинг жамоадан кетиши ҳақида фикр билдирди.
"Ҳар ким катта ўйинлар яратиши мумкин, лекин буни кўп йиллар ва ўйинларда қилиш... Бу уни ўзига хос қилади. Кевин клубнинг бир қисми ва у нима қилса ҳам, бизнинг эшикларимиз унинг учун умрининг охиригача очиқ", - дея Гвардиоланинг сўзларини келтиради Sky Sports.
“Манчестер Сити”даги 10 йиллик фаолияти давомида Де Брюйне барча мусобақаларда 413 та ўйин ўтказиб, 106 та гол урди ва 174 та голли узатмани амалга оширди.
